karen 的个人资料小惠愛美麗 照片日志列表更多  |  工具 帮助 |
|
小惠愛美麗喜愛美麗的事物, 美麗的人, 也沒有忘記要好好愛自己 (為今日而活, 不要發怒, 不要擔憂, 以感謝的心而作, 以親切的心待人) 7月21日 沙巴之旅 第三天2009 年 6 月 29 日
今朝又要早起身, 搭完一輪車後就到左 Kiulu River 玩激流啦. 去到換好裝備, 聽完講解就開始.
 見到自己呢一身做型, 總係覺得自己似去玩大咕窿. 好想嗌一句 "大咕窿, ready go~~~"
而家吾係沙巴雨季, 而我地選擇嘅又只係一, 二級激流, 總結就係一個字 "悶". 下次再去要搵 d 刺激 d 嘅. 沿途船伕仲會想反我地隻船, 嚇下我地. 又會扯我地落水玩下, 攪氣氛. 明知條河好淺, 我都係寧死不屈, 因為條河實在太污糟啦.
爬左成個鐘艇, 終於都到, 岸上有得沖涼換衫, 之後個團仲包埋 buffet 午餐, 我地都算好彩, 玩完激流, 個天先落大雨, 仲要係傾盤大雨果隻.
食完飯, 我地轉車去睇長鼻猴, 呢程車坐左兩個鐘, 夠晒時間比我地休息. 又到一個碼頭, 稍作休息就坐船出去啦.
  就係呢個碼頭啦, 今晚食晚都係在呢度.
我地真係好好彩, 以往去過玩嘅朋友都話, 長鼻猴走來走去, 好難見到佢地. 今次我地竟然見到好多, 仲見佢地係樹上跳來跳去, 大家都好興奮.
 你見吾見呀?過左好多長鼻猴嘅地方, 船繼續向前駛, 帶我地去睇日落. 呢個時間, 船上竟然播出陳奕迅嘅 "夕陽無限好", 駛吾駛咁感慨呀!
 返上岸, 就係食晚餐時候. 好多烏蠅呀, 攪到食都食得吾安落, 見到隔離有個女仔, 攞住個風扇仔, 齋吹住碟飯用來趕走蚊同烏蠅, 下次都要學下佢先. 就係呢個時候, 竟然落大雨, 仲閃埋電. 大家都諗, 點算呢? 我地仲要坐船出去睇螢火虫呀~~~~
食完飯, 都照上船, 開頭領隊都叫我地打定輸數, 落大雨, d 螢火虫可能匿埋. 點知好快, 我地就見到第一棵樹有. 閃下閃下咁, 好靚, 再見隔離棵樹, 仲多. 好似掛左好多燈泡上去咁. 大家都開心到叫出來. 我估好多人都好似我咁, 係第一次睇螢火虫, 實在太靚, 太浪漫啦. 領隊仲捉左兩隻比我地近距離睇. 原來螢火虫本身好似蟻咁細隻, 但因佢識飛, 又會發光, 所以好引人注意.
睇完螢火虫, 就依依不捨咁離開. 之後兩個鐘頭車, 都吾瞓得咁多, 沿路同朋友傾下計, 去完買朱古力嘅手信, 就返酒店啦.
7月6日 沙巴之旅 第二天2009 年 6 月 28 日
晨早 6 點幾就要起身, 因為今日要出發去美人魚島啦. 好緊張, 第一次玩浮潛, 吾知會係點架呢? 經過成個鐘車程, 再要搭半個幾鐘大飛出去.
 半個幾鐘船程後, 終於到啦. 嘩~~~ 好靚呀~~~~
   終於感到受陽光與海灘嘅吸引力, 呢度同任何一個香港海灘都冇得比, 真係好靚好靚. 坐低飲杯咖啡之後, 就開始換衫落水. 雖然著住救生衣, 但落水都有 d 緊張, 開頭要捉住水泡, 慢慢放開手後, 原來真係浮架喎, 就開始享受浮潛嘅樂趣.
 認吾認得我呀~~~
 海底世界真係好靚, 好寧靜, 比人一種好舒服放鬆嘅感覺. 吾怪之得咁多人鍾意潛水. 我一路玩, 一路都諗, 既然海底世界咁靚, 我地都應該愛護環境, 減少污染, 如果吾係, 再過一段時間, 真係怕再睇吾到咁靚嘅天然現象.
玩左約 45 分鐘, 教練就叫大家上番岸, 要食 lunch 啦. 午餐係包埋嘅 buffet, 吾算好好食, 不過玩咁倦倦地, 都吾計較得咁多. 食完野, 漁夫就載我地上島影左一陣相. 呢個島本身係一個荒島, 所以好乾淨, 好靚.
  好耐冇去過沙灘, 仲要係冇人又咁乾淨嘅沙灘, 實在太開心啦. 可惜影左一陣相, 教練就叫我地返去, 開始第二節浮潛, 今次冇咁驚, 教練仲捉左 d 海參, 海星上來比我地睇. 完成埋第二節浮潛, 就要好吾捨得咁走啦~~~
返酒店梳洗好後, 就出去食海鮮, 經香港朋友同領隊嘅介紹, 我地去左珍珠海鮮酒家, 因為比其他抵食.
    一般食物就吾再講啦, 最值得食嘅, 都係蒜香炒飯, 奶油蝦同咸蛋黃炒蟹, 奶油蝦 d 汁同來撈飯, 仲十分之好味呀. 叫左 8 個菜, 仲有炒飯, 有湯送, 有野飲, 都只係港紙 600 幾蚊, 飽到我地行吾郁. 絕對抵食呀.
本來食完飯想去飲野, 可惜我地真係太飽, 飽到有 d 眼瞓, 又要排毒
 . 所以都係返酒店瞓, 因為又要準備聽日去玩激流啦.沙巴之旅第一天2009 年 6 月 27 日
去旅行前一日, 香港竟然三號風球, 上網睇見沙巴天氣都吾好得去邊, 好擔心呀, 籌備咁耐嘅旅程, 會吾會日日都係風雨中渡過呢?
呢日起身, 天陰陰, 臨出門口仲落大雨
 去到機場, 會合左團友 f, 食完野再等埋團友 r, 就上機啦. 上機時候都仲係橫風橫雨. 三個鐘頭機, 傾下計, 瞓陣覺就到, 第一個迎接我地嘅就係沙巴嘅夕陽, 好靚呀!
 見到沙巴天氣咁好, 心情都好 d, 因為我地係坐經濟位第一行, 所以第一個落機, 之後過關仲吾駛排隊, 十分順利. 出左閘, 有當地導遊接左我地, 就係機場入面唱錢. 提一提大家, 機場入面唱錢, 最好大家 group 埋一齊唱, 因為可以講價, 多謝團友 f, 將原本個 rate 44.45 講到 44.8, 講價技巧真係嘆為觀止.
唱埋錢, 就返酒店, 我地住 Imperial International Hotel, 約 15 分鐘車程就到, 仲要係 town 入面, 十分方便.
  返到酒店放低野, 再會合埋團友 c, 終於齊人啦. 一齊去對面 Waterfront 搵野食. 食 d 串燒先.
 吾知係咪肚餓, 感覺 d 串燒好好食. 點知之後就做錯決定, 就係去左旅遊公司比我地嘅免費手信 +宵夜團. 有專車帶我地去買海鮮及雪條, 之後再去買朱古力, 因為我地第一日到, 冇諗住咁快買野. 加上都幾肚餓, 就要求佢地帶我地去食野先, 佢地就帶左我地去一間叫 "螢火虫餐廳" 嘅食肆.
一去到, 梗係試下有名嘅桔仔水, 同大蝦麵, 味道吾錯.
  點知, 之後 d 食物都麻麻地, 胡椒豬肚湯, 冇味! 雞, 冇咪嫌好鞋. 奉勸大家, 便宜莫貪, 以為見有送嘅行程, 大家都醒目 d, 吾好浪費寶貴時間.
 6月18日 東寶小館昨晚同兩位舊同學及佢地另一半到北角街市東寶小館食飯.
  鴨汁荷葉飯, 好香, 好好味
 京都沙拉骨, 都好味!!
 秘製風沙雞, 朋友話好食, 我覺得 ok 啦
 最有驚喜嘅, 米通蓮藕錂魚球
 芝士肉鬆西蘭花, 芝士好似 over 左
 薑汁涼粉, 好狠辣!
 尋晚大家食得好開心, 之後去買野都買得好開心, 下次再聚~
青佛道場開幕禮感想經過個多月的籌備, 青佛開幕禮終於在 6 月 14 日舉行. 我是第一次為宗教團體籌辦活動, 感到十分緊張, 而且不想有錯失, 因為青佛是屬於大家, 真的希望能為師傳, 為同修做點事.
其實加入青佛只有 10 個月的時間, 感覺卻已像認識大家很久. 看到開幕禮當天一眾同修自動自覺地工作, 大家都為著自己都道場而努力, 覺得很感動. 第一次到青佛上堂, 人數只有現在一半, 課室也是借用別人地方. 真的沒有想過, 青佛會改變得這樣快. 尤其是一眾年輕社員, 回看他們初到青佛時拍攝的相片, 再看他們現在的樣貌, 感覺他們成熟了很多, 而且在很多方面都表現得很有自信, 勇敢, 有理想. 這些正是現在香港年輕人缺少的, 很高興認識到這一群年輕人. 最難得, 是社員中有不同年齡階層, 但真的大家都有傾有講, 特別是佳哥及蒲姑娘, 他們常替我們輔導, 開解我們. 從他們夫婦身上, 得到很多智慧.
回想自己的改變也不少, 以前很容易去否定別人, 很早就已對人下判斷. 現在學懂了從不同角度去欣賞別人, 多方面發掘別人的長處. 與人相處也開始學習要有耐性及多接納別人意見. 原來看到同修成長的同時, 自己也再不知不覺間成長了, 從新去學習, 從新去認識自己.
無論將來青佛發展成怎樣, 活在當下, 我真的很高興我是其中一員. 就如開幕禮當天說的一樣 "很高興加入青佛, 學習到佛法, 認識到師傅及各同修". 學習到佛法, 每一天都令我感到喜悅! 與各同修共聚, 每一次都令我很快樂!
  |
||||
|
|
